Markaziy Osiyoda islom madaniyati va sharq allomalari tarixiy merosi

O`quv uslubiy qo`llanmada insoniyat uzoq tarixiy taraqqiyot bosqichini bosib o'tganligi, xususan, Markaziy Osiyoda islomgacha bo'lgan tarixiy taraqqiyot, o'zaro islom dini va uning madaniyati bilan bog'liqlikda o'zgacha ahamiyat kasb etganligi haqidagi fikrlar yoritilgan. Markaziy Osiyoda islom madaniyatining yoyilishi Markaziy Osiyo xalqlarining urf-odat, an'analarida va turmush tarzida o'z ta'sir doirasini kengaytirdi. Bugungi kunga kelib islom madaniyati hamda uning ta'sirida bunyod etilgan tarixiy obidalarning va ma'naviy merosning bugungi globallashuv jarayonidagi ahamiyati tobora oshib bormoqdaki, bu o`sib kelayotgan yosh avlodni tarbiyalashda, boy madaniyatimizni, ma'naviyatimizni ularning qon-qoniga singdirish, ular qalbida o'z tarixi bilan faxrlanish hissini uyg'otish bugunning dolzarb vazifasi bo'lib qoldi.